E toaono tagata Bay of Plenty na sese vailaau na faaaogaina mo o latou tui o le Koviti
O le faamaoniga lea mai le faatonusili o le soifua maloloina, Dr Ashley Bloomfield ma e faapea o le suiga o le vailaau le sasi ma na toe maua mulimuli ane
O I latou nei e tusa ma saunoaga a le faatonu ua uma ona toe faafesootai
Ese mai I lea, e 15 tagata Ueligitone na faaaoga sese iai tui ua uma aso e aoga ai
O tui nei ua pasi ma le 30 aso e aoga ai pe expire ae e le I sili atu ma le 24 itula
Taua ai foi e Bloomfield ua maea faafesootai ma ua fautuaina foi e toe faia tui
I faamaoniga a le soifua maloloina, e leai se isi na afaina ai mai tui expire, ma ua faatoese le matagaluega I le faaletonu na tulai mai ma faamautinoa foi e le pulega e le tupu soo
