O le a see Aukilani I lapataiga vaega 3 mai ananei
O le aso le aso mulimuli o lapataiga vaega 4 ma ua atoa foi iai le 34 aso talu ona nofo Aukilani I tapu o le vaega 4
O se faaiuga ua saunoa le palemia, Jacinda Ardern e le faapea a mea ua uma la tatou galuega, ma e le o iai se suiga I le afuafu poo le lio o tagata o loo tatou mafuta
E lua vaiaso lea o le a nonofo ai Aukilani I le vaega 3 ma o loo fuafua e toe iloilo e le kapeneta I le Aso Gafua le aso 4 o Oketopa
Ao tapena ai la le vaega tolu a Aukilani, e ui o lea e tapunia pea aoga seia vagana ai fanau a tagata faigaluega e le o iai se isi e mafai ona vaaia, o lea ua faamalosia le tatau ona faaaoga o masks poo ufi fofoga I lalo o le lapataiga vaega tolu I totonu o aoga maualuluga
O I latou uma foi o loo fia kolosia tuaoi mo fuafuaga a le tagata lava ia, e tatau ona alu ma le faamaoniga e negative siaki o le Koviti na faia I totonu o le 72 itula
Ua sau ai foi ma le faatonuga mo tagata matutua 65 tausaga agai I luga o Aukilani e le I faia se tui e tatau ona nonofo I le fale seia vagana ua uma tui e lua
I faamaumauga e tusa ma le 23,000 o tagata matutua nei e le I faia se tui tasi o tui a le Pfizer
