O se tasi o alii ta’uta’ua i le taaloga lakapi a Ausetalia, David Pocock lea ua manumalo nei i le nofoa o le faaitu o le ACT ma o se sui tuto’atasi. O le uluai faipule tuto’atasi lea ua tulai mai i lea faaitu ma e tele nisi o fuafuaga o loo ia fuafua e faatino i lona tulai mai i le tofi o lona itumalo e aofia ai ma le Uluru statement from the heart.  

O loo lipotia i le SBS se faamatalaga a le palemia o Ausetalia Anthony Albanese e faapea o ia o loo mautu lona taofi e faaauau ona faasolo le fuafuaga mo se tasi o mataupu sa o latou faailo a o lei faia le palota e agai lea i First Nations poo i latou na muai nofoia Ausetalia atoa ai ma so latou leo i le palemene o le atunuu. 

Fai mai Pocock e matuai ona lagolagoina le fuafuaga lea pei ona ta’ua ma o se itu lelei le maitau atu i le malo ua iai nei ua faatāua lea fuafuaga sa lē amanaia mai le lima tausaga talu ai.