E 22 tausaga o se alii Samoa lea ua amata aloaia lona taalo ai le au a le Warriors Niu Sila e ala i le taaloga faapolofesa o le lakapi Liki.

Taua i ripoti i le silia ma le tausaga ua tuanai o le alii ia Edward Kosi na amata galue i le Warehouse i Aukilani  faatasi ai ma nisi o ona uso ma e tele lava ina fai ana taaloga masani i aso Toonai ma e lei iai sona mafuafau o le a faamanuia faapea o ia e ala i lana taleni o le lakapi liki.

E ui o lea ua faamanuiaina i lenei avanoa maoa’e i taaloga o lakapi liki ae e manatua pea e Edward vaega na amata mai ai lona olaga.

O le vaiaso na tea nei lea na faataunuu ai le taaloga i le va o le Warriors ma le Cowboys ma na taalo ai loa le alii o Edward mo le uluai taimi ina ua faamanu’alia le alii o David Fusitau, lea na manumalo ai le Warriors 24 – 20 a le Cowboys.

Na faafetaia ai e lea alii talavou le lagolago a ona matua faapea, uo ma aiga