Ua faailoa e le taitaifono fou lea na tofia talu ai nei o le National Pacific Health Senate, Dr Kiki Maoate e lē tutusa o la popolega ma le taitaifono na se’i mavae atu e uiga i le faigamalo a Niu Sila.
I le masina o Tesema o le tausaga talu ai e pei ona faailoa e le RNZ, na saunoa ai Sir Colin Tukuitonga lea sa iai i le tofiga lea e faapea e lē o toe iai sona faatuatuaga i le faigamalo atoa ai ma le soofaatasi ua tulai mai ona latou te lē faia lelei tagata o le Pasefika.
Peitai la ua saunoa le taitaifono fou mai le Atu Kuki, o faiga faapolokiki o faaiuga ia a le tagata lava ia o loo tulai mai le tofi ma e leai se aogā i le galuega.
O le Fatu Fono Ola o se fono faatonu tutoatasi e aofia ai fomai e 11 mai le Pasefika, latou te fautuaina le matagaluega o le soifua maloloina a Niu Sila poo le Te Whatu Ora Health NZ.
