Ua sauni Niu Sila e saini maliega a le Indo Pacific Economic Framework i Singapore ma o le minisita o fefaataua’iga Todd McClay lea o loo fai ma sui.
O nei sainiga aao o loo iai foi ma sui o atunuu faapaaga e 14, lea e aofia ai Fiti, Ausetalia, Initia, Indonesia, Iapani, Korea i saute, Meleisia, Filipaina, Singapore, Thailand, Bruni Darussalam, Vietnam ma Amerika.
O atunuu nei e 14 ua faamaonia mai e McClay o loo uuina le 40% o le Gross Domestic Product poo le GDP i le lalolagi, ma o loo alu ai le ‘afa o oloa e faatau atu i fafo a Niu Sila.
A o iai le minisita i Singapore mo lenei faamoemoe, ua mae’a faatulaga foi ana fonotaga ma sui a minisita mai Ausetalia, Fiti, Kanata, Iapani ma Amerika.
O faiga faapaaga nei o loo afifi ai i totonu lafoga o loo totogi faavaomalo, fefaatauaiga i le va o atunuu aemaise o auala e faaitiitia ai tiute totogi o loo totogi e Niu Sila a o auina atu ai ana oloa i fafo.
Puna o Faamatalaga: Trade Minister Todd McClay set to sign three Indo-Pacific agreements with 14 countries | Newshub
