Search

Sauni le toe tatala o malaga ile va o Kuiniselani ma Niu Sila

O lea ua fuafua o le a toe tatala feoaiga saoloto I le va o Kuiniselani I Ausetalia ma Niu Sila I le 11.59 I le po ananei.Ise pepa o faamatalaga mai le Matagaluega o le soifua maloloina ua taua ai le faamaonia e le matagaluega e itiiti lava se tulaga lamatia tau le soifua maloloina mai le koviti pe a faaauau ia faigamalaga.

O I latou uma o le a toe foi mai I le atunuu ole a manaomia ona faia se siaki o le koviti I totonu o le 72 itula ae lei malaga mai.

O le aso 26 o Iuni na toe tapunia atoa ai femalagaaiga saoloto ia I le va o Niu Sila ma Ausetalia atoa ina ua toe aliae cases fou o le koviti peitai ini nai vaiaso mulimuli ane sa amata toe tatala ai femalagaaiga a setete, nao Niu Sau Uelese sa tapunia pea ona o loo iai pea I le tapu.

Taua e le minisita o le koviti 19, Chris Hipkins o soo se tasi sa iai I Niu Sau Uelese talu mai le aso 26 o Iuni o le ale mafai ona malaga mai I Niu Sila  ma o I latou uma o le a agavaa e malaga mai e manaomia ona faailoa e negative se siaki e faia o le koviti I totonu o le 72 itula ae lei malaga mai.

I lipoti a le ZB ua lipotia ai o le taeao nei ua taua ai e nao le 40 ile 60 avanoa o loo maua mo faigamalaga faavavave emergency flights mai Niu Sau Uelese I Niu Sila nei, o faigamalaga faia e le Ea Niu Sila mo tagata Niu Sila o loo poloka i se setete ona o le tapu

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required