Photo: Samoa Global News

Sauni le Ofisa Sili o le Matagaluega o Tupe e talia soo se iuga e tuuina atu e le Kapeneta fou

Ua faaleo lagona o le Ofisa Sili o le Matagaluega o Tupe le afioga Leasiosio Oscar Malielegaoi e tusa ai ma ni faamatalaga na faia e le Minisita fou o Tupe afioga Mulipola Anarosa Ale Molioo e faailoa ai ona popolega i le sootaga o Leasiosio ma lē sa avea ma Palemia i tausaga ua te’a.

O ni faamatalaga na taua e Leasiosio i luga o le lomiga a le Newsline na faateia ai o ia ona sa sologa lelei le faatinoga o a latou galuega ma le Minisita ina ua faaulufale le Mālō fou.

O le manatu o le Minisita na ia faailoa ai le faigata ona galulue faatasi ma Leasiosio i le tapenaga o le Tala o le tupe ona o ia o le atalii o Tuilaepa.

Taua e Leasiosio “E foliga mai o le faafitauli ua fua agai ini masalosaloga ae leo luga o vaega tonu ma le sa’o”.

“O a’u a o’u ulufale i le Ofisa e faaaoga lo’u pulou o le tagata faigaluega ma e tuu uma le auaunaga lelei i le faatinoga o le galuega, a o’u alu foi i le fale, ua fai lo’u pulou o a’u o se tāmā ma se atalii ma ou te alofa i lo’u tamā ma lo’u aiga”

Na ia taua foi o lona popolega tele o le fesiligia ai o lana auaunaga ma lana tautua mo Samoa ona o ni popolega i le liki ai tua o ni faamatalaga faatatau i le Tala o le tupe pe lē lelei foi ni ana fautuaga e tuuina atu.

Na faaleo foi e Leasiosio le tele foi o ni tuuaiga faasaga ia te ia ina ua tofia e avea ma Minisita o Tupe ma lafoga a tagata e faapea ua tofia o ia ona o lona tamā peitai o le talitonuga a Leasiosio o lona galue malosi na ala ai ona faamanuiaina o ia i lea tofiga maualuga.

E ui i le tele o lafoga ua fesiligia ai Leasiosio o loo faaauau pea le galulue ma lana Matagaluega e tapena le Tala o le Tupe mo le faaiuga o Aukuso.

Taua e Leasiosio poo le a lava le iuga a le kapeneta o le a ia talia ma le mautinoa sa ia faatino lana galuega ma le amiotonu faatasi ai ma lona alofa ia Samoa.

Oscar.jpg
Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required