Search

Sauni le Moana Pasifika e fetaui ma le Maori All Blacks

Mo le uluai taimi ole a atagia ai lanu a le pasefika mai atunuu o Fiti, Tonga ma Samoa ise au lakapi tuufaatasi, le Moana Pasefika Squad ole a faalauiloa e le faiaoga ulu o le au le alii o Tana Umaga mo le latou fetauiga ma le Maori All blacks I le masina fou.

Momoli ai le faamalo a le alii faiaoga I tama taaalo mo le uluai au lea a le pasefika ma o le toatele lava oi latou ia o tama taaalo ile super rugby ma o nisi foi ua taaalo muamua I taamilosaga o le ipu o le lalolagi. O loo taua mai I le lipoti lea a le herald I le aso ole Moana Pasifika sa lagolago malosi e nisi ina ia aofia ai I le taamilosaga o le super rugby ile tausaga fou peitai ua faia le faaiuga a le Lakapi Niu Sila e manaomia le taimi e tapena ai le au mo le taamilosaga o le 2022.

O lona uiga la o le taaloga o le a fetaui ai ma le Maori All Blacks e taua tele mo le faaaogaina e fausia ai le au lenei a le pasifika aemaise le faamautuina o le lagolago faapisinisi e auai ai I le super rugby o le 2022. O le faatama o le au a le Moana Pasifika Tuifaasisina Bryan Williams ua ia taua o le au lenei ua ave ai le faaaloalo I le sootaga taua faale pasefika ma le faagatama o le lakapi.

O le alii o Aaron Mauger sa faiaoga I le Highlanders e iai lona sootaga I le Atu Kuki faatasi ai ma faiaoga mai le Blues Tom Coventry ma Ben Afeaki ole a auai faatasi ma Umaga o faiaoga o le au ae o le aso 3 o Tesema e faailoa ai le lisi o alii o le a taalo ma le Maori All Blacks I le masina fou.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required