E toafa tamaitai talavou mai Niu Sau Uelese ua sauni nei mo le sailia o se tausala samoa e pei ona faamaonia mai e le komiti o lea foi faamoemoe.

Ole Miss Samoa NSW Inc o loo faauluulu I le peresetene o Martha Roache lea ua tauaveina lea tofiga mo le uluai taimi I le tausaga nei faatasi ai ma le laulau fou ua aga atu nei mo le tuufaatasia o lenei foi tausinioga e faia I tausaga taitasi.

Faaalia e Martha I talafou ole tausaga lenei e le o toe po ile atunuu suiga ua iai ona o le faamai o le koviti 19 ma ua tolopo atu ai male sailiga ose tausala ile tausaga fou ia Fepuali aso 4 ona e fua lava foi I sa o loo iai I le setete mo le aofai o tagata e mafai ona auai ai.

Ole theme poo le autu o le tausinioga I lenei tausaga Beautiful Samoa, ole naunau ina ia faalauiloa pea Samoa I totonu o ausetalia aemaise I niu sau uelese. O loo tagi I lima lava le komiti I le faatupeina o le faamoemoe ao sailia ai foi nisi o fesoasoani ma lagolago mai le atunuu faipisinisi ma soo se tasi e lagolago ai I le tausinioga o lenei tausaga,

Ole laulau fou ale tamaitai peresetene e aofia ai

Secretary – Resitara Apa

Treasurer – Miracle Timareti 

Media & Liaison Officer – Brian Tonumaipe’a-Tuisila

Liaison Officer – Joyita Tavita  Ole faalapotopotoga na muai faatuina ile 2005 e Muliagatele Oketi Taulaga.