Search
Search

Sauni le kalapu taalo a le Malisi i lana taamilosaga faavaomalo lona 36 i le lakapi taitoafitu

O le a toe silasila le atunuu ma le lalolagi i ‘au e 16 i le vaega o alii ae 6 ‘au a tamaitai pe a faagasolo le taamilosaga faavaomalo lona 36 i le lakapi taitoafitu a le kalapu taalo a le Malisi Sagato Iosefo i le masina o Iuni o le tausaga nei.

Na faailoa lea tulaga e le Peresetene ma le kalapu i le faaiuga o lena vaiaso ina ua faalauiloa aloaia le taamilosaga lakapi taitoafitu a le Malisi mo lenei tausaga.

O le ata ua faataoto iai le taamilosaga o lenei tausaga na fausia i fautuaga ma tuualalo a paaga poo stakeholders a le kalapu i le faamoemoe ia siitia maualuga le tulaga o le a faafoe ai le taamilosaga ina ia iai se suiga.

E 15 afe le faailoga tupe ua faatulaga mo le ‘au siamupini ma le Ipu i le vaega o alii ae 3 afe le faailogatupe mo le siamupini i le vaega o tamaitai.

E 1,500 tala le totogi o le lesitala mo ‘au a alii ae 500 mo ‘au a tamaitai.

Ua faailoa e le kalapu e valu aulakapi taitoafitu sa ausia le tulaga maualuga i le taamilosaga o le tausaga na tea nei ua mautu le maua o o latou avanoa i pulu mo le taamilosaga o le tausaga nei.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

Keep uptodate with Radio Samoa activity & promotion

* indicates required