Ua lipotia o le Aso Gafua lea e fuafua e fai ai se faaiuga a minisita o le Kapeneta pe faaopoopo le faaputugatupe poo le funding mo le Pharmac ina ia faasa’o ai le folafolaga sa gausia a le National e faatatau i fualaau ma vailaau mo le kanesa.
Fai mai le RNZ o le a silasila minisita i manatu folasia ma faamaumauga ma faia ai sa latou faaiuga.
O nisi lipoti mai le The Post ua ta’ua ai a itiiti mai pe 600 miliona le tupe e ono faamatuu ane i le Pharmac mo le fā tausaga, o se tasi lea o finagalo faaalia.
O le taimi a o sauni mo le palota i le tausaga talu ai sa folafola ai e le National o le o latou faatupeina ituaiga togafitiga o le kanesa e 13 peitai e lei aofia mai lea i le tala faatatau o le tupe na folasia i le masina talu ai ma afua ai le tele o le mau faaseā.
O le faamatalaga mai le minisita o le soifua maloloina, Dr Shane Reti e pei ona lipotia i le vaiaso nei ua ia faamaoniaina ai o le a faatupeina uma ia drugs e 13 mo togafitiga e pei ona o latou folafolaina.
Puna o Faamatalaga: https://www.rnz.co.nz/news/political/520195/cabinet-to-consider-pharmac-boost-for-promised-cancer-drugs
