Sauni le fetauiga a le All Blacks ma le Springboks i Kuiniselani

O le faaiuga o le vaiaso nei e fetaui ai le All Blacks ma le Springboks a Aferika I Saute ma o le uluai taimi lea ua toe feiloai ai au e lua talu mai le Ipu o le lalolagi I le 2019 lea na malo ai le All Blacks I le la taaloga I pulu ae sola ai Aferika male ipu o lea tausinioga.

I nai vaiaso ua tuanai ai sa faiaina ai le Springboks I fetauiga ma le Wallabies ma o le a tulimataia e le toatele se toe tali ane a se tasi lenei o au malosi o le taaloga.I se faatalanoaga a le ZB ma se tasi o tagata faasalalau o taaloga a Aferika Sias Du Plessis na ia taua ai o taaloga I le va o au nei e lua e tulituliloa e le toatele ma o le fesili tele lea pe mafai ona toe tali mai le Springboks I se tulaga malosi faasaga I le All Blacks I le maea o faiaina sosoo e lua I le au a Ausetalia.

Fai mai a ia o le mau a nisi tama taalo o le Boks a faafesagai ma le haka a le All Blacks e atili luitauina ai latou e finau malosi I le taimi o le taaloga. O le taaloga e faia a taeao i le malae o Country Bank Stadium I Kuiniselani  ma ua taua o le selau ai lea o taaloga I le va o au e lua.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required