E 6 pasene lea ua faalauiloa ole a siitia ai le pasene ole totogi aupito maualalo o galuega I Niu Sila ma e amata faamamalu I le amataga o le masina o Aperila ma o se gaioiga talia lelei e Iuni o tagata faigaluega ae le taumate ua laga ai ni popolega mo nisi pisinisi.
O alauni o tamaiti aoga faapea ma peimeni mo le soifuaga I aso taitasi o le a siitia I le 25 tala Niu Sila ile vaiaso mo le tagata matua e toatasi. Ua faailoa I lipoti a le ZB o peimeni mai le social welfare o le a siitia foi ma o le a amata foi ona faamamalu mo le tolu masina le faa afa o pasese e totogi I auala o femalagaaiga lautele mo le tolu masina.
Sa muai folafola siitaga I le totogi maualalo o galuega ile masina o Fepuali ele minisita e feagai ma lea auaunaga ma faailoa ai o le totogi maualalo o galuega ile itula o le a faaopoopo iai leisi $1.20 lona uiga ua oo atu ai I le $21.20 ile itula.
Ua valaau foi le taitai o le vaega faaupufai a le National,Christopher Luxon ina ia toe fetuunai tulaga o lafoga poo tax ia fetaui ai ma le inflation.
