Sauni Fiti e toe tatala ona tuaoi i tagata malaga faavaomalo

Ua taua ise lipoti I le aso I le One News se faaaliga mai Fiti ua sauni neu e toe tatala ona tuaoi I tagata femalagai faavaomalo, O le faamatalaga a le palemia o le atunuu Frank Bainimarama o loo taua ai o Fiti e manao e avea o se nofoaga saogalemu mo tulisi ma femalagaaiga I le lalolagi atoa ma ua faailoa foi o le a toe tatala I atunuu e pei o Niu Sila, Ausetalia, Amerika, Peretania, Iapni ma le tele o ona atunuu tuaoi I le aso 11 o Novema.

Peitai o loo faailoa foi I le lipoti o faigamalaga ua faatulaga faatoa amata I le aso muamua o Tesema. E le o toe po se lilo ile toatele I aafiaga o le faamai I totonu o le atunuu o Fiti ma le toatele na maumau ai soifua.

Ua faailoa o le a leai se faanofoesea ae tatau ona maea ona faia uma tui puipui o tagata malaga ma ia negative le test e faia ao lei malaga atu atoa foi ma le taimi e taunuu ai. O le a manaomia ona nonofo tulisi mo le lua aso I se faletalimalo ao lei avanoa e feoai saoloto I le atunuu.

O le lua aso lea o le a faamuta malie ao faaopoopo pea le siitia o le aofai o tagata fiti e 18 tausaga ma sili atu e faia uma tui puipui o le faamai. I faamaumauga mai le malo o Fiti ua faailoa ai e silia ma le 51 afe tagata na maua I le koviti I le toe pepesi ole faamai e pei ona iai, 650 tagata ua maliliu e ui e iai le talitonuga e sili atu lea numera.

Fai mai Bainimarama I ana uo I Ausetalia ma Niu Sila o lea ua sauni Fiti e toe tatala ona tuaoi mo le faimalaga atu

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required