O le aso a taeao o le a potopoto ai tagata Ausetalia i vaega eseese o le atunuu e faamanatuina le ANZAC Day o lenei tausaga 2024 faamanatuina ai soifua o i latou sa galulue ma ofoina soifua i taua na iai Ausetalia.
O sauniga e faia i le vaveao, dawn services ma savali faaaloalo o le a faia i setete uma ma teritori o le atunuu e faamanatu ai lea aso tāua.
I Sini lava ia ua faatulaga o le sauniga i le vaveao e faia i le Cenotaph i Martin Place i le aai i le te’a laititi o le 4 i le vaveao.
O le a sosoo ai ma le solo tele i le ogatotonu o Sini ma faamae’a ai i Liverpool Street i le ‘afa o le 12 i le aoauli.
E toe faaiu i le isi sauniga e faia lava i le Cenotaph i Sini i le goto ifo o le la i le afiafi a taeao.
E tali faapea foi polokalame i isi aai tetele o Ausetalia e pei o Melepone, Brisbane, Darwin, Perth, Canberra, Adelaide, Hobart ma isi.
Puna o Faamatalaga: https://www.9news.com.au/national/anzac-day-dawn-services-2024-state-by-state-guide-where-to-watch-australia/4886afb5-71b0-409c-a33c-3ca80819554a
