Ua maea le palota a le au fai sea a le refinery I Marsden Point, I Northland ma ua palota ai e tapunia le refinery

O le refinery lenei I Marsden Pt ua na o le pau lea o le nofoaga o loo faamama ai le suauu a Niu Sila talu mai le 1964, ma e tusa ma le 300 ona tagata faigaluega o loo iai I le taimi nei

O le maea ai o lea palota e lagolagoina le tapunia o le refinery, e le gata o le fesiligia o le maketi o le suauu o le iai I Niu Sila ma lona sapalai, ae sili ai ona faigata I le tusa ma le 240 tagata faigaluega o le a o

I ripoti ua faaalia ai le le fiafia o le aufaigaluega I le faaiuga ua faailoa mai, ma la latou mau e na o le tasi le sitepu lea ua savalia e le au fai sea, ae mo I latou o se auala umi, aemaise lava e le tele ni galuega I Whangarei e mafai ona tua iai

O se suiga tele mo le toatele ua loa tausaga o galulue I le refinery, ao taoto fuafuaga o le tapunia o le refinery ae suia o se uafu e taunuu mai iai le suauu o le a sau sao mai fafo e aunoa ma le tau toe faamama

Ao talanoa ai nei fuafuaga o le ogatotonu o le tausaga fou o loo fuafua e faataunuu ai, ma I le ataata mai o suiga amata, e faitau miliona ua vaavaai e moomia e toe tapena ai le nofoaga o loo iai le refinery aua le suiga ua talanoa