child poverty

Sau I lalo le fuainumera o fanau ola I le mativa, ae e le o aofia ai fanau Maori ma le Pasefika

Ao fiafia ai le vaega a le Leipa I le sau I lalo o le fuainumera o fanau ola I le mativa poo le child poverty, e le o atoa ona e le o aofia ai fanau Maori ma le Pasefika

O lea ua faalauiloa faamaumauga a le ofisa o faamaumauga, ma o loo sau ai le pau o le fuainumera o fanau e ola I le mativa talu mai ona tu mai Jacinda Ardern ma lana Leipa I le 2017

Peitai I nei faamaumauga o le toatasi I totonu o le toalima fanau Maori, ma le toatasi I totonu o le toa’4 fanau Pasefika o loo ola pea I le olaga le tagolima ma le gafatia mea e moomia I aso uma

E iva fua faatatau na faaaoga e le vaega o faamaumauga e fuaina ai le ola mativa o fanau I lana suesuega na faia I le lua tausaga faamaea ia Mati o le tausaga talu ai

Ae I se tali mai le malo, o le lelei lea o ana fuafuaga na ioeina ai le siitia o tupe a le fanau poo le Working for Families, $60 I le vaiaso mo pepe fou fananau I lalo o le Best Start, faapea le Winter Energy Payment e fesoasoani mo le tau o le eletise I taimi malulu

O fesoasoani uma nei na sau I lalo o le Families Package ma fuafuaga o le a faaitiiitia ai I le 54,000 fananau matitiva, peitai e na o le 16,300 le fuainumera na sau ai I lalo I nei suesuega ma faamaumauga ua saunoa ai le komesina o fanau, Andrew Becroft, o loo mafai ona foia le ola mativa o fanau ma ua tatau ona faagaioi I se taimi vave, aua o le mea moni o loo iai tupe e pei ona faailoa o loo faaleoleo mo taimi e afatia ai.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required