O loo feagai nei le vaega o le tineimu ma le tau taofiofia o le afi o loo sasao ane I le itu I saute o Marlborough ma e toaono tagata ua aveesea mai ma le Clarence Valley ile po anapo inaua faaleagaina nisi o fale.
Lipotia mai ua oo atu I le 400 hectares o le fanua ua aafia I le afi ma na logoina ane ai le tineimu I le afiafi ananafi.
O se faamatalaga mai le sooupu a le tineimu na ia taua e leai se auala e ui agai atu I le vaega o loo aafia ma ua le mafai ai ona faaaoga taavale fuimu sei vagana vaalele helicopters leao loo feagai nei ma lea galuega.
Ole lipoti lata mai ua taua ai e leai ni fale o iai I le vaipanoa oloo mu ile taimi nei ae 9 lelei helicopters o loo faatino ai le galuega, fai mai o se nofoaga lata ane I lea faaitu na aumau ai pailate o helicopters anapo ma toe faaauau ai le latou galuega sei oo mai I le taimi nei
