Ua folafola e Isaraelu o le a tatala i se taimi e lē o toe mamao le kolosi i Rafah i le va o Gaza ma Aikupito e faataga ai le aga’i ese mai o tagata Palesitina mai Gaza.
O le vaega o le militeli a Isaraelu lea e faaigoa o le Cogat na o latou faia lea faasilasilaga ma le faamatalaga o le a faafoe le aga’i ese mai o tagata Palesitina mai Gaza i le galulue faatasi o latou ma Aikupito ma o le a i lalo o le vaavaaiga a le European Union mission.
Fai mai o le faiga foi faapea lea sa faia ia Ianuari na mafai ai ona aga’i ese mai isi tagata Palesitina mai Gaza.
Fai mai o le faailoa lea e Isaraelu o lo latou lagolago i le maliega tau le filemu o loo iai nei ma le Hamas lea ua savalia nei le fitu vaiaso.
O loo teena e Aikupito so latou galulue faatasi ma Isaraelu i lea faiga ona fai mai a latou afai e faatino le tulaga lea, e tatau la ona mafai ona faataga uma itu e lua e ulufale ma ulufafo ese mai ai tagata Palesitina e pei ona iai i le fuafuaga a Trump.
Puna o Faamatalaga: https://www.bbc.com/news/articles/cpwk7xen544oeē
Post expires on 23 December, 2025
