E tau fai silafia uma e Samoa ma Vanuatu le tāua o taaloga o le a faia i le faai’uga o le vaiaso nei i Niu Sila mo le sa’ilia o ‘au a le itupa o alii e maua le avanoa e tauva ai i le FIFA World Cup 2026.
O loo ua iai nei ‘au ia e lua i Hamilton e sauni ai mo a la taaloga i le faai’uga o le vaiaso.
O ‘au mai Tahiti ma Niu Sila o le a o latou fesaga’i i le Aso Faraile o le vaiaso nei ma o ‘au e lua o le a sili i le kulupu lea o le a fetaui ma ‘au e lua pito i luga mai le kulupu A i le semi finals ma e faia ia taaloga i le masina o Mati o le tausaga fou i le sa’iliga lava o ‘au e sao atu i le Ipu o le Lalolagi i le soka.
Saunoa le faia’oga ulu mo le ‘au a Samoa i se faatalanoaga ma le RNZ, Jess Ibrom, o Samoa o le a taaalo ma Tahiti i le malae i Hamilton i le Aso Faraile, sosoo atu ai ma le taaloga ma Niu Sila i le Aso Gafua o muamua i Aukilani.
Faailoa e le kapeteni a Vanuatu e faigata le latou taaloga o le a iai ma le Kiwis ma e tatau lava ona faaatoatoa lelei le malosi.
Puna o Faamatalaga: https://www.rnz.co.nz/international/pacific-news/533613/fifa-world-cup-qualifiers-samoa-and-vanuatu-eye-tough-matches-in-new-zealand
