O le vaiaso nei ua lipotia i le RNZ o le a aga’i ai se tasi o vaa tosovaa mai Niu Sila e fesoasoani i le galuega o loo faatino i le HMNZ Manawanui lea na magoto i ogasami o Samoa i se taimi e le’i mamao atu.
Fai mai o le kamupani Niu Sila lea ua faafaigaluega e le vaega o le puipuiga a Niu Sila e tapena mo le aveesea mai o le suāuu mai le vaa ma ua fuafua e oo atu i le 10 poo le 11 aso e alu ai le faigamalaga e fua lava i tulaga o le tau ma le sami.
Fai mai le NZDF o loo faaauau galuega i se tulaga maualuga ia faamautinoa o loo usita’ia mana’oga uma tau le puipuiga e faamalieina ai ofisa o feagai ma le galuega i Samoa.
O le tau e tāua tele i le galuega o loo fia faia e lē gata i le taimi e malaga atu ai ae o le taimi foi e aveesea ai suāuu mai le vaa.
Puna o Faamatalaga: https://www.rnz.co.nz/international/pacific-news/534820/nzdf-prepares-to-remove-pollutants-from-sunken-manawanui-off-samoa
