O loo tapena nei le au suesue i le Iunivesite o Otago mo sa latou faataitaiga o se tasi ituaiga togafitiga Ketamine psychotherapy trial mo tagata e aafia i mafatiaga faalemafaufau.
O le faamoemoe ina ia umi ona aogā ma sologa togafitiga mo i latou e aafia i le tulaga lea ma o loo sailia ni gasegase se 60 mai Kalaiesetete ma Dunedin, i latou ua tele ina lē toe aogā iai fualaau ma vailaau mo togafitiga.
Fai mai o le ‘afa o tagata i lea suesuega o le a latou faatinoina se aoaoga poo se course e 8 vaiaso e faaaogā ai le ituaiga togafitiga fou lea le ketamine, e ese mai le faaaogāina o tui e pei ona iai muamua ae o le a faaliusuavai, liquid ma inuina.
Fai mai le au suesue afai ae manuia le sailiga lea ma faamaonia e mafai ona aogā i le tagata o le a maua ai sina faamalosiau i nai tagata e aafia i le depression ae faigata ona togafiti i vailaau ma fualaau masani.
