O loo sailia e leoleo ni faamatalaga e faatatau i se alii o loo taofia nei i le falemai i Motootua ma o loo iai i se tulaga tigaina.

O lea taulealea o loo masalomia na faaoolima iai se tagata i le faaiuga o le vaiaso na mavae nei ma taatia ai lava i le falefaatali pasi i Fugalei.

Na faaalia e le alii Komesina o Leoleo ia Auapaau Logoitino Filipo, o le taimi nei o loo faagasolo suesuega a leoleo.

Na faailoa mai foi e lē o mafai ona faamautu i le taimi lenei talaaga o lea taulealea ona e lei te’i lava i luga.

Na pau le tulaga na faailoa mai o lea taulealea e tugā manu’aga i lona ulu.

E lē o mafai foi ona faamautu mai pe fia tausaga o lea alii, o sona aiga ae o se afioaga e sau ai.