E lē o faigofie i le faamasinoga ona talia le manao o loia o loo tutulai mo Samuelu ma lona toalua o Sivai, o Li’o Faataumalama, Lise Marie Schmidt ma Fepulea’i Faimata Su’a, ona tolopo i le tausaga fou le faamasinoga lenei, ona ua mae’a ona faailoa e le tamaitai faamasino le afioga Talasa Atoa Saaga le ave o le faamuamua i le mataupu lenei e fofogaina molimau i le tausaga nei.

O le Aso Faraile nei e toe valaau ai moliaga o i latou o loo tuua’ia mo le sailia o se aso e valaau ai molimau, ina ua lē mafai ona faagasolo le suesueina o moliaga i le Aso Lua o le vaiaso nei e pei ona sa faatulaga ai.

O loo faaauau ona tatala i tua i aiaiga, le toatolu o tagata o loo molia i le mataupu lenei e aofia ai le afioga i le faipule Fepuleai Faimata Su’a, Li’o Faataumalama Auava ma Lise Marie Schmidt ae nofo taofia pea Samuelu ma lona toalua o Sivai.