Search
Search
Talalelei Pauga
Talalelei Pauga
Photo: Patrick Williams

Saili ni finauga faaletulafono, pe talafeagai ona tulai le loia o Josephine Fuimaono Sapolu mo Talalelei Pauga

Ua faatonuina e le tamaitai faamasino o le Faamasinoga Maualuga le afioga Niava Mata Tuatagaloa le tuuina atu o ni folasaga a loia mo le itu a leoleo, ma le loia o loo tulai mo Talalelei Pauga, e saili ai pe talafeagai i ala o le tulafono le faamautu o Talalelei Pauga i le fale o le tamaitai loia o Josephine Fuimaono Sapolu e pei o se tasi o aiaiga o loo tatala ai i tua Talalelei, ma le toe tauave e lea tamaitai loia o le faamasinoga o lea tagatanuu o Ausetalia, sa aumai faapagota e tali i moliaga o le taupulepule e faaoo le maliu, i lē sa avea ma Palemia o le atunuu.

O le Aso Lulu sa valaau ai le talosaga a lē ua molia e faasee ese le tamaitai faamasino le afioga Niava i le finauga e pito tasi lona faafoeina o suesuega o moliaga.

O le tauaofiaga lea na faailoa ai e le faamasino ona atugaluga i le tulai o le tamaitai loia o Josephine Fuimaono Sapolu mo Talalelei Pauga, ae o le tasi lea o aiaiga tāua o lana faaiuga na talia ai le talosaga e tatala i tua lē ua molia e faatali ai le suesueina o ona moliaga.

O le Aso Tofi a sau e tagofia ai le mataupu ua laga e le faamasinoga ona faatoa iloa ai lea o se aso e suesue ai le talosaga o le faasee ese o le faamasino mai taualumaga o le faamasinoga o Talalelei Pauga.

O le alii loia o Fagaloa Tufuga sa tulai mo lē ua molia ma sa auai i le finauina o le talosaga e tatala i tua lē ua molia.

O lea alii loia ua avea nei ma Faauluuluga o le tasi o auaunaga a le Malo o le ofisa o le Komisi o le toe fuataina o tulafono le Samoa Law Reform Commission.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required