Search
Photo by Ministry of Justice & Courts Administration - Samoa

Saili ni finagalo o le atunuu i tulafono fou o Faamasinoga o Fanua ma Suafa, ma tulafono o sauaga i totonu o aiga

Ua oo mai i Upolu le faatalanoaga o loo faatautaia e le Lala o Tulafono ma le Amiotonu a le matagaluega o faamasinoga, o loo faamanino ai aiaiga o le tulafono o sauaga i totonu o aiga ma le puipuiga faaletulafono mo se tagata ua aafia i ni sauaga.

O loo saili ai foi ni finagalo o le atunuu i le vaega o tulafono o loo lima taitaiina ai galuega a le Faamasinoga o Fanua ma Suafa, e faasino tonu lea i le vaega 43 ma le 44 o le tulafono fou lea o loo aiaia ai le avanoa e mafai ai ona toe lu’i se faaiuga ua fia ni tausaga talu ona faamautu ma tāmau.

Na faamanino mai e le Ofisa Sili o pulega o lea auaunaga a le Malo le autu o ia faatalanoaga, o loo manaomia ai ni finagalo o le atunuu aemaise o sui o le Malo ma sui o nuu.

Le Ofisa Sili o le matagaluega o faamasinoga o loo iai le vaega o le Lala o Tulafono ma le Amiotonu le Law and Justice Sector.

O le Aso Lulu o le vaiaso nei e faia ai lea faatalanoaga i le maota o Tupulaga a le EFKS i Mulinuu.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required