E manatu leoleo a le o se tagata Maoli, o se pasefika le tagata na maua lona tino maliu I le po ole aso Gafua o le vaiaso nei I le auala savali ile faaitu o West Auckland ile Gittos Domain I Blockhouse Bay. Taua e leoleo e oo mai ile taimi nei e lei faamautuina poo ai tonu sia tagata,o se alii pe a ma le 50 ile 60 tausaga le matua o le soifua.
Ua tuuina atu nei ile coroner mo le suesuega ae foliga e le o masalomia e leoleo se tasi I lenei faalavelave pei ona taua e le One News. O loo faamoemoe leoleo e ono maua se fesoasoani mai se tasi e silafia lea tagata aemaise o nisi o tau sailia nisi o aiga poo nisi e masani ai.
Taua e leoleo o loo fai ona seevae ole ituaiga o le New Balance ofuvae lanu moana malosi ma le mitiafu paepae ma lanu moana.Taua e leoleo na maua I le taga o lona ofu se seti o ki o se taavale o le ituaiga o le Nissan.
Talosagaina e leoleo soo se tasi e silafia se faamatalaga I le mataupu lea poo lea foi tagata ina ia fesootai ane I le laina a leoleo ile 105.
