Ripotia le asia ai e Mohammed o Samoa i le tausaga 2016

O se alii Sri Lanka lea na fana e leoleo Niu Sila ma maliu ai i le Aso Faraile o le vaiaso na te’a nei i totonu o le supamaketi i Aukilani ua ripotia mai na ia asia Samoa ma nofo ai mo aso e fa i le tausaga 2016.

Taua i se ripoti a le faamasinoga maualuga a Niu Sila faia i le Aso 25 o Iuni 2014 ma faapea ai “O lē ua maliu o Mohammed Samsudeen, 32 tausaga na malaga atu i Samoa i le masina o Novema 2016 ma nofo ai mo aso e 4, ma ina ua osofaia e leoleo le nofoaga Sa nofo ai ma maua ai se agaese i lalo o lana moega”

E le’i maua mai se faamatalaga mai le Ofisa Sili a le ofisa o le Palemia e faamaonia ai pe mo’i na malaga atu lenei alii i Samoa ae pe na tuu atu foi e le malo o Niu Sila ni faamatalaga faatatau i lea alii i le ofisa o femalagaiga a Samoa.

E le’o mautinoa foi pe e faamaonia e leoleo o le atunuu lea vaega i le malaga atu o Mohammed i Samoa.

Taua e ripoti o lea alii ua leva ona i lalo o vaavaaiga i tulaga o le ono faia o no osofaiga faafuasei ma sa mua’i nofo i Niu Sila i le tausaga e 2011 i lalo o se visa mo tagata sulufai (refugee status) ma ua leva ona taumafai leoleo a Niu Sila e saili se auala e toe faafoi ai i lona atunuu.

O to’alima ni tagata na i totonu o le supamaketi lea na aafia ina ua osofaia e Mohammed i se naifi (sei tulou) ma o loo taofia nei i le falemai mo togafitiga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required