E iai le tagata ua pue e loeleo i le mataupu o loo tau sailia ai nei se tagata faatau fale poo se real estate agent e suafa ia Yanfei Bao.
Na ta’ua i lipoti mai le Herald i le asō o lea tagata na pue e leoleo ae o le a sola ese ma le atunuu.
Na ta’ua e leoleo o loo faaauau le suesuega ma sailia foi se taavale o le ituaiga o le Mitsubishi sedan o lona lesitala o le DPH101.
O Yanfei Bao o se tamaitai 44 tausaga na mulimuli vaaia i Vickerys Rd i le faaitu o Wigram i le taeao o le Aso Lulu talu ai.
E lei alu ane e piki lana tama mai le aoga i le aso lea ae na maua atu lana taavale i se vaega e lata ane i le nofoaga na mulimuli vaaia ai.
O lana telefoni feaveai na maua i le Southern Motorway pe a ma le 7kilomita mai le nofoaga e pei na ta’ua.
O le faatalanoaga lata mai a leoleo ma le autusitala ua ta’ua ai e silia ma le 40 vaega o faamaumauga ua maua atu mai tagata lautele i le mae’a faalauiloa lautele mai o lea mataupu.
E fia faafetaia e leoleo i atunuu ona o lea fesoasoani ma unaia nisi o silafia nisi faamatalaga e faatatau i lenei mataupu.
