Pueina e leoleo le silia ma le 35 o tagata e aofia ai sui sinia o kegi ile atunuu

E 35 tagata na pueina e leoleo ma le silia ma le 90 o moliaga ua faia ona o se vaega o le suesuega tele sa feagai ma latou e faatatau i soligatulafono fuafuaina.

E aofia ai i a I latou na pueina nisi o sui sinia o le Waikato Comancheros, le Mongrel Mob ma le kegi a le Head Hunters.

O se faamatalaga mai leoleo lipotia e le televise tasi ua faailoa ai o loo iai pea nisi o loo sailia I le taimi nei ae I lea suesuega ua aveina ai e leoleo le tusama le 3.7 miliona o aseta, 20 aunese o le aisa ma taga lapopoa o le mariuana faapea fualaau o le Iodine aemaise o auupega ma telefoni feaveai.

I tuaoi na maua ai le tusa ma le 8.6 kilo o le aisa. Faaopoopo atu iai ma le 14 taavale , 2 vaa maligi ma le pe a ma le miliona o tupe. Fai mai leoleo e 37 search warrants na amata faatino mai le ta o le fa I le afiafi ananafi I Aukilani, Waikato , Bay of Plenty ma Ueligitone, o se vaega lea o le Operation Trojan Shield.

O lenei suesuega o loo auautasi iai le tele o atunuu o le lalolagi I le auaunaga a leoleo ua vaaia ai le tele o gaioiga ua faatino e faapea foi I Ausetalia ma Amerika ma le atu Europa.

E taulai lava I le aumaia ma le faatauina I le atunuu o le aisa aemaise o tupe teu faasolitulafono. O le aso ua fuafua e tulai ai I latou na pueina I le faamasinoga faaitumalo I Aukilani ma Hamilton.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required