Ua tuuina atu nei se talavou e 16 tausaga le matua, i le vaega o le auaunaga o leoleo e nafa ma matāupu i tupulaga talavou ina ua maua e leoleo lea talavou mai sa latou tuliga, na taumafai lea tamaitiiti e 16 tausaga le matua, e sola ese mai ma leoleo e ala i se taavale.
Faamauina i lipoti mai leoleo, na tuliloa atu e leoleo lea tamaitiiti ina ua maitauina le lē saogalemū o le aveina e lea talavou o le taavale ma lona taumafai e sola ese mai ma leoleo.
Ta’ua na maua atu e le helikopa a leoleo, le Police Eagle le taavale i Pōkeno ma Tuakau, a o le’i faasalavei ma taofia e leoleo i Alexandra Redoubt Road.
O le mea mata’utia o lea matāupu e faapea, na māfua ona tuliloa e malu o le malo lenei taavale ona o le tulaga lamatia sa iai le tele o taavale i luga o le auala ae faapea foi i le saogalemū o lea talavou, ae ina ua taofia le taavale, o lea na maua ma taofia ai e leoleo ni tagapepa uli na iai i totonu o le taavale o loo tumu i fuālaau faasāina o le maruana.
Māua le taofia o le taavale mo le 6 masina.
