O se sui o le kegi a le King Cobra le isi tagata lea ua ta’ua mai e atoa iai le to’alua o tagata ua pu’eina e leoleo i se tasi o a latou su’esu’ega aga’i i kegi.
Fai mai na pu’e e leoleo le to’alua lea a o faia se su’esu’ega i se taavale i le faaitu o Flat Bush i Aukilani i Saute. Fai mai leoleo i le lipoti a le Newshub na maua atu ai i fale na sailia se auupega o se fana ma ututau.
Ta’ua e leoleo o le sui lea o le King Cobra ua molia i moliaga e lua i le umia faasolitulafono o auupega a o le isi alii 27 tausaga sa molia foi i moliaga tali tutusa.
Talu ai nei sa lipotia ai se faalavelave na faaaogā ai se fana i Otara ma ua faailoa e leoleo o loo faaauau pea su’esu’ega i lea mataupu.
