Ua taofia nei e leoleo se alii pe ā ma le 50 tausaga le matua ina ua ia taumafai e faia se faamata’u i luga o le social media e faapea e tatau ona aveese le faavae o le atunuu mai le 2013 a leai o le a susunuina le laumua o le atunuu.

I se faamatalaga ua faamatuu mai e leoleo a Fiti ua ta’ua ai o loo faaauau su’esu’ega i le taimi nei ma o loo fesiligia e leoleo le alii lea poo le ā le sa’o o ana faamatalaga.

Ua alia’e mai lea tulaga a o iloilo ai e le faigāmalo a Fiti lona faavae ma tulaga sa sau ai mai le tele o taimi ua tuanai.

Fai mai le faigāmalo ua mae’a lapata’ia tagata o le atunuu i ituaiga tulaga faapea o le faia o faamatalaga i luga o le social media, faamatalaga e faaosofia ai le ita ma sauāga faapea soligatulafono ma gaioiga le manuia e faatino.

E faaaloalogia e le malo le faailoa o finagalo ma lagona ae ao ona faia ma le faaaloalo ma aua ne’i solia ai le tulafono.

Puna o Faamatalaga: https://www.rnz.co.nz/news/pacific/750699/fiji-police-arrest-man-over-alleged-social-media-threat-to-burn-suva