Pu’e e leoleo ile Motorway i Aukilani

Ua pueina e leoleo se tasi alii ua fetauaina sa ia faaoolima I se malu o le malo I luga o le motorway I Aukilani. Na valaau ane leoleo I se faalavelave I le Northern Motorway I le afa o le 10 analeila ina ua lipotia e iai se alii ua oso ane I luma o taavale I le motorway ma lavevea ai taavale e tolu.

Fai mai leoleo e pei ona lipotia sa agai sao lava le alii lea I se tasi o loli na alu atu I le alatele. Ina ua taunuu atu leoleo sa oso ane lea alii I lumao le faata o le taavale a leoleo ma faaleaga ma ia faaoolima ai ile malu o le malo ao taumafai atu leoleo e faafilemu ma faaaoga le taser.

Na fesoasoani ane nisi o le mamalu o le atunuu ma taofiofi le alii lea seia oo ina taunuu atu isi leoleo ma pueina ai loa. Auina atu le malu o le malo na aafia ile falemai mo le faia o togafitiga ma ave atu ai foi ma le alii lea mo le faia o siaki ia mautinoa o loo saogalemu foi.

Fai mai le taitaileoleo o Peter Raynes o loo faia nei suesuega o lenei mataupu ma e ono faia ni moliaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required