Ua pueina nei e leoleo ni alii se toalua o loo tuuaia I le faalavelave na uma ai le soifua o Mejid Hamzy. E fa fale na osofaia e leoleo pei ona faailoa e le ABC ma o loo taua e ono molia I laua ia ile fasioti tagata.
O Hamzy sa fanaina I fafo ane o lona fale I Condell Park ile aso 19 o Oketopa o le tausaga 2020. O loo fetauaina e leoleo o le mafuaaga lea o le vevesi o loo faia pea I le va o aiga e llua I Sini o le Hamzy ma Alameddine.
O le pitonuu o Panania ma East Hills lea na pueina mai ai alii e toalua I le taeao analeila ma auina atu I le ofisa o leoleo I Bankstown mo suesuega. O leisi alii e igoa ia Mr Blonde lea na maua I meapueata a le CCTV lona agai ese mai ma le nofoaga na tupu ai le faalavelave I le taimi faatoa maea ona tupu.
O loo faaauau pea ona fai ma lipotia e le au faasalalau vesiga I le va o aiga nei e lua I Sini ma ua toafitu alii ua maliliu I nei vesiga.
