O loo iai popolega o le faiaoga o le Wallabies Dave Rennie mo le atina’e o tagata taaalo lakapi a Ausetalia pe afai ae lē toe faaauauina le Super Rugby Pacific.
O lipoti mai le vaiaso talu ai e pei ona lipotia atu i talafou e faatatau i le faamatalaga a le ta’ita’ifono o le Rugby Australia, Hamish McLennan i tulaga tau tupe mo le lakapi Ausetalia pe a mae’a le taamilosaga o le tausaga fou o se tulaga ua matua’i faate’ia ai Rennie e pei ona faailoa i le lipoti.
Ta’ua i le lipoti e ui e malamalama Rennie i le tulaga faapisinisi o loo agai iai le manatu lea i le atina’e o le lakapi peitai ua ta’ua i le Newstalk lona lē lagolagoina o le faamutaina o le toe faia o lea taamilosaga Super Rugby Pacific.
Fai mai a ia o lona manatu e lelei mo atunuu e lua ona faaauau pea ona faia taaloga i le va o atunuu ma sa tulaga lelei le taamilosaga o le tausaga nei ma e fia vaai pea o faaauau le Super Rugby Pacific.
Na ta’ua e le alii faiaoga e lei iai ni faatalanoaga i le latou camp ina ia faasee ane le flyhalf o James OConnor i le fulupeki ina ia suitulaga ia Quade Cooper ma Noah Lolesio.
