Ua popole nisi o fomai faaleaiga i le suiga ua amata le toe maua ai nei se fesoasoani a le malo mo togafitiga o gasegase ua aafia i le Koviti.
O le asō ua amata aloaia ai le suiga fou e le toe totogia ai e le malo siaki faia faauauau poo follow up a tagata ua faasolosolo manuia mai le Koviti i totonu o le 6 vaiaso talu ona manuia.
O le fesoasoani lenei na amata faatupe mai e le malo mai ia Tesema o le 2021, peitai ua le toe agavaa ai nei tagata uma ae ua na o se vaega.
I se faamatalaga mai ia Dr Sapna Samant o le popolega e ono avea lea ma avega mamafa i nisi ona o le tau e totogi ma le o ai e vaai se fomai.
O le isi foi itu e ono oo atu ai i isi ma’i tuga ae e le o iloa, ona e le o siakia.
Ae na ta’ua e se sui o le soifua maloloina o se suiga ua fetaui le fai ma e tele mafuaaga e aofia ai ma le faaitiitia o le fuainumera o cases ua iai nei.
E le o iai se aafiaga o tagata Pasefika ma tagata Maori i le suiga ua aloaia i le asō.
Comments
Loading comments…