O le aso muamua lava e tu mai ai le ACT e tauavea le malo, o le a faia ai loa ma le tusi ua ta’ua o le Stop Work notice ma tuuina atu i Pule Sili o matagaluega a le malo.
O le vaai mamao lea e le taitai ia David Seymour ma o se fuafuaga e ono faatofa mai ai le tusa ma le ‘afa o le silia ma le 6000 tagata faigaluega a le matagaluega o pisinisi ma galuega.
O le matagaluega o pisinisi o lea ua faatuputeleina mai le silia ma le 3700 i le silia ma le 6100 talu mai le ogatotonu o le 2018, ma fai mai Seymour ua tele tupe ua alu i avanoa nei e ta’ua o policy advisor.
O le vāea poo le tuu i isi avanoa faigaluega o loo moomia, ae i le vaai a Seymour e sili ai le o i le fale na i lo le faaauau ai pea ona faaleaga le atunuu.
E ono faasaoina mai ai le silia ma le $1 piliona pe afai ae taunuu.
O lea e lē o toe mamao fai le palota, ma i saunoaga a Seymour ananafi e lei popole pe ma’umau ai palota a le ACT mai tagata faigaluega a le malo ona o lana faasilasilaga, ona i lona talitonuga e tele atu ana palota mai tagata Niu Sila o loo lagolagoina e leai ni galuega a le isi toatele lea e alu ai tupe.
