Fiji Covid

Poloka tagata Kiwi I Fiti ao taofia ai faimalaga a vaalele faavaomalo

Ua le faataunuuina malaga totogi faapitoa e toe faafoi mai ai tagata Kiwis mai Fiti ona o le taofia o faigamalaga faavaomalo mai Fiti

O lea ua faaleaogaina uma faigamalaga a vaalele faavaomalo mai Fiti poo le isi vaiaso atoa ao tau saili poo fea na maua atu ai e se tasi o case ua faamaonia ae e le fesootai ma uluai cases, le vairusi

Ua faamaonia mai foi e le kamupani vaalele a le Ea Niu Sila o lea o loo faaauau pea ana faimalaga, ae ua leai ni pasese ua na o cargo

O lea ua toe faaopoopo isi cases e fa I totonu o Fiti, ma o le toatasi o I latou nei ua mafua ai ona faamalosia le malo I le faaiuga faatopetope na sau ananafi

O le popolega lea ua iai, o le le fesootai o le siama ua faamaonia I se tasi ma isi cases muamua

Ua fautuaina ai ma tagata Kiwi ua poloka nei I Fiti e usitaia tapulaa atoa ma le fesootai atu I le konesula pe a moomia se fesoasoani

E ono faigamalaga faapitoa na fuafua e toe aumai ai tagata Kiwi o loo I Fiti ua aafia nei

Keep uptodate with Radio Samoa activity & promotion

* indicates required