Police
Photo: RYAN ANDERSON/STUFF

Poloka e leoleo magaala, faia o suesuega i se faalavelave i Opaheke

Ua fautuaina tagata ia alofia le uia o le faaitu o Opaheke I Aukilani e pei ona iai nei malu o le malo I se faalavelave na lipotia mai ai ile aso.

Faailoa mai e le One News sa vaaia leoleo faaaupegaina I lea faaitu ma o loo faalia foi ata o taavale ua faaleagaina.

O le tala lata mai a leoleo e le o maua nisi o mau faamatalaga e tusa o lenei mataupu ona o loo faatino pea nei suesuega ma o le a tuuina mai seisi lipoti I se taimi o I luma o le aso.

O faamatalga mai le aufaigaluega a le St Johns Ambulance ua taua ai na valaau ane le latou fesoasoani peitai e taunuu atu e le o manaomia.

O loo iai nei poloka ua faatulaga e leoleo I magaala e pei o le Great South Road ma Settlement Road, Opaheke ma Alexander Street faapea ma King Edward Avenue.

O nisi lipoti e le o faamaonia I le taimi nei ua faailoa ai o se tina ma sona alo o loo manunua ina ua osofaia e nisi le la taavale. O loo faia pea suesuega I le taimi nei.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required