Ua faatonuina le kamupani fai taavale o le Mazda ina ia totogi le 11.5 miliona mo le faaseseina o ana paaga i taavale o loo iai mea faaletonu ma aiātatau a tagata faatau.
Lipotia e le 9News o le faaiuga lea mai le faamasinoga ina ua faamauina e 49 ni mataupu na tuuina ai ni faamatalaga sese i tagata faatau e toaiva e uiga i taavale e fitu sa iai ni faaletonu ma toe aliae ai ni faaletonu i totonu o le 2 tausaga talu ona faatau.
Na maua foi i le faamasinoga le lē amanaia pe teena foi e le Mazda o talosaga a tagata mo le toe faafoi atu o a latou tupe pe sui atu le taavale ae ofoina na o le avanoa e lipea ai le taavale.
