Ua faia le poloaiga o faalavelave faafuasei mo le aai o Kalaiesetete e aofia ai ma Banks Peninsula ma le itumalo o Selwyn ona o le malosi tele o le mu i Port Hills.

O le tea o le 6 i le afiafi ananafi na sau ai le poloaiga mai le pulenuu o Kalaiesetete, Phil Mauger faapea le pulenuu o Selwyn, Sam Broughton ona o le mu ma o lea na alu le po atoa o galulue le tusa ma le 22 sui o le tineimu e fui, ma le faamoemoe o le taeao nei e toe amata ai helikopa, vaalele faapea sui o le aufaigaluega i luga o le laueleele i le fuiina o le mu.

E oo i aiga na aveesea faamalosi mai le aoauli ananafi ona o le afi, o lea e lei mafai ona toe foi ane anapo.

E tuufaatasia tala fou ua oo atu i le 100 eka le tele o le fanua i oo iai le mu, ma i lipoti e lei iai ni fale na mu ai.