Poloaia le faia o tui o le aufaigaluega i pisinisi o loo tapa ai vaccine certificates

O lea ua sau le poloaiga mai le malo mo tagata galulue uma o loo i pisinisi e tapa vaccine certificates e tatau ona faia tui

Fa vaiaso le notice period poo le piriota ua sau ma lea faatonuga e tuuavanoa ai i tagata galulue o loo i galuega nei e faia ai tui, a leai ua faamalolo mai le galuega

O totonu o lea piriota e ono mafai ona toe faatumauina ai le galuega pe afai ae toe suia le faaiuga a le tagata galue i totonu o le fa vaiaso ua faailoa mai

Ua sau ai foi ma le feau mai le malo i pulega o falefaigaluega ina ia faamatuu taimi ao loo totogi e o ai tagata faigaluega e faia o latou tui, pe afai o loo faigata ona saili se taimi avanoa

Saunoa le palemia Jacinda Ardern, afai o lea ua faatalosaga le tatau ona faia o tui o tagata o loo agai atu i pisinisi nei e tapa ai tusifolau o tui, e tatau foi i le aufaigaluega ona faia tui

O pisinisi o loo aofia i lalo o lea faatonuga pei ona faailoa mai i le taimi nei ae ono faaopoopo pea i le agai i luma e aofia ai fale oti ulu, faleaiga, faletaalo ma le lautele o le hospitality sector

O loo iai lava foi le avanoa e mafai ai ona tuuavanoa pulega o pisinisi i tagata e le mafai ona agavaa i le tui ona o tulaga tau le soifua maloloina

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required