Na aveesea mai nisi o aiga faapea caravans e lata i West Melton i Canterbury anapo a o taumafai ai le tineimu e taofiofi le sosolo o le afi.
E tuufaatasia tala o le taeao e lē o mafai ona oo i se tulaga o le mafai ona taofiofi le sosolo o le afi, ma o le mu lenei na faato’ā amata sasao ane anapo.
E ‘afa ane le 4 i le vaveao nei ua toe sau le isi tala mai le ofisa o le tineimu o lea ua mafai ona toe foi aiga na aveesea mai o latou fale, peitai o loo sau ai ma faatonuga ia nofo sauni e ono toe aveesea faavavevave mai o latou fale.
O loo faatonuina pea tagata ia tapunipuni faamalama o fale ona o le malosi o le asu.
E ese mai le mu lenei i West Melton, o lea foi e iai le isi mu i Canterbury lava i Bridge Hill e tusa ma le tasi afe eka faapea ai ma Kirwee.
O se po pisi tele na iai anapo i le ofisa o tineimu i Canterbury ma Otago, e pei ona faamauina ai e silia ma le 20 isi valaau na faaoo atu ona o mu e ese mai mu i West Melton ma Bridge Hills.
Puna o Faamatalaga: Live: Crews battle Canterbury fire, residents warned to be prepared | RNZ News
