Ise palota faataitai na faia a le Herald e faatatau ise tasi e ono sui tulaga ile faiaoga o loo iai nei o le All Blacks Ian Foster, e toatele e siilima ile faiaoga o loo iai nei a le Crusaders, Scott Roberston lea e le o fia faaalia faalauaitele lava sona finagalo ile mataupu.

Ole faalua sosoo ai lea ona faiaina le All Blacks ina ua faatoilaloina ele au a Farani i ai e 40-25 ma afua ai le valaau o nisi ua tatau loa ona suia le faiaoga o le au a le atunuu. E silia ma le 18 afe palota na faia ane etagata ile palota faataitai lea a le Herald ma o le 80 pasene o fans a le au e mananao e suia e Robertson, Ian Foster.

Fai mai Foster I lea lava lipoti na te iloa ua tele foi faamasinoga ua faia ile taumafai a le au ae o loo tuputupu pea le au ma a’oina mai nisi lesona mo le agai atu ile lumanai. Mo Robertson fai mai a ia ina ua fesiligia e tusitala ua ia vaai ile tulaga o taumafaiga a le au ae o le a taofi pea lana faamasinoga atonu o le tulaga faapolofesa lea e ao ona fai.