E toatele ua aafia i le flu i Ausetalia i Saute ma ua afua ai ma ni popolega i le toe a’e o aoga a le fanau i se taimi e lē o toe mamao.

Fai mai o le uluai 2 vaiaso muamua o Ianuari 2024 ua faamauina ai e toeitiiti 300 i latou ua aafiia i le flu mai le vaitau o le Kerisimasi seia oo mai i le taimi nei.

E manatu le SA Health ua maualuga le aofai o le au pesia i le flu ona o le tele o mea sa faatino i le vaitau o aso fiafia aemase o le siitia o le aofai o tagata malaga mai i le atunuu, o nisi e omai lava ma vairusi o le flu.

Fai mai le soifua maloloina o le tāua ia o le faamalosia e mātua o le puipuiga o le fanau ma ia fautuaina le faanonofo o tamaiti i fale pe afai e aafia i le flu i le taimi e a’e ai aoga.

Ua fautuaina foi le faia o tuipuipui o le flu e lē gata i le fanau ae o le au matutua foi.