O loo mataitu e le toatele i le mataupu i le South China Sea lea o loo ogatotonu ai ma Ausetalia, Saina ma Amerika.
O le sui mai le vaega o le puipuiga a Ausetalia, Euan Graham na faatalanoa e le 9News e tusa o le mataupu lea.
O loo finau malosi pea Beijing o Taiwan o se vaega o Saina na agai ese mai peitai o loo finau foi Taiwan e lē moni lea mau.
Faailoa e Graham o le popolega tele o le ono tulai mai o ni vesiga i le South China Sea i le va o Saina ma ona tuaoi lea e aofia ai ma le atu Filipino ma ono lē nofofilemu ai foi ma Amerika faapea Ausetalia.
O le taunuu mai i nai vaiaso faaiu o lenei tausaga ua maitauina le iai o taimi e faataututu ai vaegaau i luga o vaa a le Atu Filipino faapea ma Saina.
O le masina talu ai na asia ai e le Palemia o Albanese le atunuu o Saina ma feiloai atu ai i le alii Peresetene o lea atunuu Xi Jingping.
