Dr Ashley Bloomfield

Pe le faamata ua tatau foi ona alert level 3 New Plymouth?

O loo tuufesili nisi pe aisea ua le o tutusa ai New Plymouth ma Aukilani I le alert level 3

O le aiga Papatoetoe ua faamaonia nei ua maua I le vairusi lea e vave lona pepesi mai le United Kingdom na asia Taranaki ao faamanatu le Waitangi, ma o tina ma lona alo tamaitai lea na asiasi I mataaga faapea le tele o isi nofoaga I New Plymouth I le va o le aso 6 ma le aso 8 o Fepuari

Taua mai ananafi le uumi o kiu o taavale I le maota gasegase I Taranaki, ma e faapea o le vaaiga lea na iai ae e le I tatalaina I le itula e 9

Tala a le leitio a Niu Sila, o le toatele o I latou na agai ane mo siaki o loo faapopoleina ma tuufesili pe aisea ua le alert level 3 ai ma New  Plymouth

Taua ai foi e le pulenuu o New Plymouth, Neil Holdom, o loo mafanafana I le faaiuga a le matagaluega ua iai nei, ma e le faateia ia pe a alualu ae toe suia tapu mo New Plymouth Ae I se finagalo mai le tamaitai palemia, Jacinda Ardern ma le faatonusili o le soifua maloloina, Dr Ashley Bloomfield, o loo lava tapu o loo iai nei e taofiofia ai le pepesi o le koviti, ma ua fautuaina ai foi e Bloomfield tagata New Plymouth, e taua tele le faia o siaki o tagata sa’o, ma e le tatau ona e alu e faia sou siaki pe afai o e malosi atoatoa pe e te le I iai foi I nofoaga ua faailoa mai na asia e I latou ua faamaonia I le Koviti

LAUILOA

Keep uptodate with Radio Samoa activity & promotion

* indicates required