Ua pa’ū le tau o fale, ma o se pa’ū tele lea ua faamauina i le masina i totonu o le tausaga.

E 0.5% lea na pa’ū ai i le masina faato’ā uma atu, ma o se maualuga tele ua faamauina talu mai Iuni o le 2023.

O le tele o vaega o Niu Sila o lea ua maitauina le sau i lalo o le tau o fale, e pei ona faamauina le 0.8% i totonu o le kuata tausaga.

E iai aai e pei o Kalaiesetete ma Dunedin e lei iai se suiga i le tau o maketi o fale i le masina o Iuni.

O faamaumauga nei a le CoreLogic’s House Price Index, o loo iai ai le faate’ia o le sau i lalo o le tau o fale i le masina faato’ā uma atu faapea le kuata tausaga mo Aukilani, e pei ona faamauina ai le pa’ū e 1.2%.

O se lipoti o loo iloa ai foi le faatupula’ia o tagata feoa’i i le va o faletupe a o saili ai tului maualalo mo mokesi, ma i faamaumauga a le Corelogic o loo iloa ai o le tusa ma le 24% o nonōgatupe fou mo mokesi na faia i le masina o Me, na sau lea mai tagata nonō ua sui faletupe e agai iai.

Puna o Faamatalaga: House prices have largest monthly drop in a year | RNZ News